Ásgrímur er sálfræðingur á Áfalla- og sálfræðimiðstöðinni og sinnir meðferð og greiningu hjá unglingum og fullorðnum vegna kvíða, þunglyndis, áfalla og annars tilfinningavanda. Einnig hefur hann mikinn áhuga á að vinna með íþróttafólki. Hann leggur áherslu á hugræna atferlismeðferð (HAM) og aðrar gagnreyndar meðferðir í störfum sínum.

Ásgrímur Hólm Rúnarsson

Guðný Björg er sálfræðingur á Áfalla- og sálfræðimiðstöðinni og sinnir meðferð og greiningu á sálrænum vanda hjá unglingum og fullorðnum. Hún notast við gagnreyndar aðferðir og vinnur mest út frá hugrænni atferlismeðferð en Guðný Björg veitir meðferð við flestum vandamálum, t.d. áfallastreitu, kvíða, þunglyndi og lágu sjálfsmati.

Guðný Björg Barkardóttir

Kristinn Diego er menntaður félagsráðgjafi og fjölskyldumeðferðarfræðingur með víðtæka reynslu í klínískri vinnu með börnum og fjölskyldum sem glíma við flókin og fjölþætt áföll og áskoranir.
Hann er jafnframt löggiltur sáttamiðlari og hefur sótt fjölda námskeiða og framhaldsnám í fjölbreyttum meðferðaraðferðum. Má þar nefna grunn- og framhaldsnám í markþjálfun, meðvirknimeðferð, áfallameðferð og pararáðgjöf samkvæmt Gottman-aðferðinni, SES-Pro í skilnaðarráðgjöf, tengsla- og tilfinningameðferð, auk fíkniráðgjafar frá SÁÁ.

Kristinn Arnar Diego

Lilja Rún Tumadóttir

Ragnheiður er sálfræðingur á Áfalla- og sálfræðimiðstöðinni. Hún sinnir greiningu og meðferð á sálrænum vanda hjá bæði börnum og fullorðnum, s.s. vegna áfalla, kvíða, þunglyndis, samskiptavanda eða lágs sjálfsmats. 
Ragnheiður býður að auki upp á fjarviðtöl og tekur að sér fræðslu og fyrirlestra eftir óskum.

Ragnheiður Helga Sæmundsdóttir

Sara er sálfræðingur á Áfalla- og sálfræðimiðstöðinni og sinnir meðferð og greiningu á sálrænum vanda hjá unglingum og fullorðnum, svo sem kvíða, þunglyndi, áfallastreitu og lágu sjálfsmati. Sara notast við gagnreyndar aðferðir í sinni vinnu með áherslu á hugræna atferlismeðferð (HAM).

Sara Ósk Kristjánsdóttir

Tinna er sérfræðingur í klínískri sálfræði og sinnir greiningu og meðferð á sálrænum vanda hjá ungmennum og fullorðnum, til dæmis á áfallastreitu, kvíða, lágu sjálfsmati og aðlögunarvanda. Hún nýtir meðal annars hugræna atferlismeðferð, hugræna úrvinnslumeðferð og EMDR í sínu starfi.
Tinna gerir einnig taugasálfræðilegar athuganir fyrir fullorðna, til dæmis eftir heilahristing eða heilaáverka, og veitir ráðgjöf og meðferð eftir þörfum í kjölfarið.