Ásta Soffía Aldan

Stundum er gott að byrja á einföldu spjalli til að sjá hvort orkan passar. Í þessu 30 mínútna samtali fáum við tækifæri til að kynnast, tala um hvað þú ert að leita eftir og sjá hvort við náum saman. Engin skuldbinding – bara mjúk tenging og rými til að hlusta og finna hvernig það situr í hjartanu.

Kynningartími

Reiki heilun er orkumeðferð á bekk og þú ert fullklædd/ur. Meðan á Reiki meðferð stendur legg ég hendurnar á eða rétt fyrir ofan líkama þinn á mismunandi stöðum. Í gegnum hendurnar leyfi ég Reiki orkunni að streyma inn í líkama þinn.

Orkumeðferð (reiki)

Samtal og sálrænn stuðningur er öruggt rými þar sem þú færð hlustun, skilning og andlegan stuðning. Í tímum ræðum við líðan, lífsáskoranir, spurningar um andlega og líkamlega heilsu og það sem þú þarft á hverjum tíma. Markmiðið er að styrkja þig, styðja þig í þinni vegferð og hjálpa þér að tengjast sjálfum/þér af meiri mildi og skýrleika.

Samtal / Sálrænn stuðningur

Tímar þar sem sameinast samtal og heilun. Fyrri hluti tímans er samtal, þar sem þú færð að skoða og setja orð á það sem er að gerast innra með þér. Seinni hluti tímans er heilun á bekk, þar sem þú færð að slaka á og leyfa líkamanum og taugakerfinu að hvílast.