Ég hef alltaf verið forvitin um það sem býr undir yfirborðinu – tengslin milli líkama, huga, tilfinninga og orku.

Hjartaheimar urðu til út frá þeirri löngun að skapa rými þar sem við megum hægja á okkur, anda og hlusta. Rými þar sem ekkert þarf að laga eða flýta, heldur bara gefa okkur sjálfum tíma til að vera.

Ég hef lært og starfað á ólíkum sviðum sem hafa öll kennt mér eitthvað um manneskjuna og lífið. Í dag sameina ég það sem ég hef lært í gegnum jóga, öndun og djúpslökun, vatnsmeðferð og Reiki-heilun.

Mér finnst sérstaklega fallegt hvernig ólíkar leiðir geta unnið saman. Stundum þurfum við hreyfingu og öndun. Stundum þurfum við að láta vatnið bera okkur. Stundum þurfum við einfaldlega að liggja kyrr og leyfa líkamanum að slaka á.

Ég trúi á visku líkamans og á mikilvægi þess að skapa rými fyrir hana. Markmiðið mitt er ekki að segja þér hvernig þú átt að vera, heldur að skapa öruggt og nærandi rými þar sem þú getur tengst þér á þínum eigin forsendum.

Verið velkomin í Hjartaheima.

Guðlaug Ósk Pétursdóttir

🌿 Jóga Nidra – ferðalag inn í kyrrð skógarins 🌳

Í næsta Jóga Nidra tíma ætlum við að ferðast saman inn í kyrrð skógarins og leyfa náttúrunni að leiða okkur inn í djúpa slökun.

Í huganum göngum við eftir mjúkum skógarstíg, finnum ilminn af mosanum, hlustum á lækinn renna og leyfum okkur að hvílast í faðmi náttúrunnar.

Með því að beina athyglinni að önduninni og skynjun líkamans gefum við okkur rými til að hægja á okkur, sleppa tökunum og finna innri ró.

🌱 60 mínútur þar sem þú þarft ekkert að gera og mátt einfaldlega hvílast.

Verið hjartanlega velkomin ❤️

Jóga Nidra · Djúpslökun í Bolholti 4

Default

20 tíma gjafabréf í jóga á 30% afslætti

10 tíma gjafabréf í jóga á 20% afslætti