Livio Reykjavík hóf starfsemi sína í febrúar 2016. Fyrirtækið var stofnað af íslenskum sérfræðingum með áralanga reynslu af rannsóknum og meðferð ófrjósemi.

Livio Reykjavík er hluti af Livio-samsteypunni, sem er meðal leiðandi fyrirtækja á sviði tæknifrjóvgunar og glasafrjóvgunarmeðferða á Norðurlöndunum.

Markmið okkar hjá Livio er fyrst og fremst að styðja og hjálpa fólki sem glímir við ófrjósemi. Við leggjum áherslu á faglega þjónustu, persónulega umönnun og hlýlegt viðmót. Meðferð okkar er einstaklingsmiðuð og tekur mið af þörfum, heilsufari og aðstæðum hvers skjólstæðings.

Til að ná framtíðarsýn okkar vinnum við stöðugt að umbótum í gegnum öflugt gæðakerfi og leggjum ríka áherslu á rannsóknir, nýsköpun og þróun. Sem hluti af alþjóðlegu IVI RMA-samstarfi hefur starfsfólk okkar aðgang að nýjustu þekkingu, rannsóknum og tækni á sviði frjósemislækninga, sem styður við áframhaldandi faglega þróun og gæði þjónustunnar.

Hjá Livio Reykjavík starfa eftirfarandi sérfræðilæknar:

- Snorri Einarsson er sérfræðingur í fæðinga- og kvensjúkdómalækningum og hefur starfað við ófrjósemislækningar frá árinu 2006. Hann hlaut viðurkenningu í ófrjósemislækningum sem undirsérgrein árið 2012, lauk doktorsprófi 2021 og er jafnframt kennari við læknadeild Háskóla Íslands.

- Tinna Baldvinsdóttir er sérfræðingur í fæðinga- og kvensjúkdómalækningum. Hún lauk sérnámi við Sahlgrenska háskólasjúkrahúsið í Gautaborg og varð sérfræðingur árið 2016. Eftir það hefur hún sérhæft sig í sónarskoðun og fósturgreiningu samhliða störfum sínum við fæðinga- og kvensjúkdómalækningar.

- Þorbjörn Have Jónsson er sérfræðingur í fæðinga- og kvensjúkdómalækningum með greiningu og meðferð frjósemisvandamála sem sitt aðalstarfssvið.

Læknar okkar veita einnig almenna þjónustu á sviði kvensjúkdómalækninga, óháð frjósemisvanda.

Ófrjósemis-/frjósemisráðgjöf (fyrsta viðtal - fyrir einstakling)

Ófrjósemis-/frjósemisráðgjöf (fyrsta viðtal - fyrir par)

Frjósemisráðgjöf

Viðtal og skoðun

Getnaðarvarnir

Athugið að lágmarks meðgöngulengd þarf að vera 6+2

Snemmsónar

Almennar kvenlækningar

Við mat á ófrjósemi þarf alltaf að gera sæðisrannsókn. Prufan er skoðuð m.t.t. fjölda frumna og hreyfanleika þeirra.

Mikilvægt er að huga að eftirfarandi þegar sýnið er tekið:

Æskilegt er að þegar sýnið er búið til séu tveir sólarhringar frá síðasta sáðláti.

Það er mikilvægt að viðhafa hreinlæti þegar sýnið er tekið. Liminn skal þvo með sápu og vatni daginn áður en bara með vatni sama dag.

Sýni skal skilað í þvagprufudós sem hægt er að kaupa í apóteki.

Sýnið má ekki vera eldra en klukkutíma gamalt og gott er að halda því volgu á leiðinni. Hægt er að búa til sýnið á staðnum fyrir þá sem það þurfa.

Merkja þarf sýnaglasið með nafni og kennitölu, fylla út spurningalista og sýna gild skilríki þegar sýninu er skilað.

Niðurstaða rannsóknarinnar er send á tilvísandi lækni.

Undir eyðublöð á heimasíðunni hjá Livio (livio.is) má nálgast leiðbeiningar og eyðublað fyrir skil á sæðissýni.

Frjósemisráðgjöf

Almennar kvenlækningar

Almenn sæðisrannsókn