Fagfólk Heilsu- og sálfræðiþjónustunnar veitir vandaða þjónustu við fjölbreyttum vanda s.s. heilsuvegvísun, tilfinningavanda og foreldra og uppeldisráðgjöf og hægt er að bóka stutt viðtöl sem og lengri. Vinsamlegast athugið að ekki er hægt að bóka hér hjá öllu fagfólki stofunnar en velkomið að hafa samband: https://www.heilsaogsal.is/hafa-samband

Ingibjörg Ragna útskrifaðist með BSc gráðu í sálfræði frá Háskóla Íslands árið 2016 og diplómu í sérkennslufræðum frá Háskólanum á Akureyri árið 2018.

Árið 2021 lauk Ingibjörg masters námi í klínískri sálfræði. Í námi öðlaðist Ingibjörg klíníska reynslu undir handleiðslu Erlu Björnsdóttir á Betri Svefni. Í kjölfarið starfaði hún samhliða námi sem svefnráðgjafi og seinna meir sálfræðingur hjá Betri Svefni. Þar hélt hún m.a. námskeið, fyrirlestra og var með svefnráðgjöf fyrir börn, ungmenni og fullorðna. Einnig öðlaðist Ingibjörg klíníska reynslu undir handleiðslu reyndra sálfræðinga á Sálfstofunni og fékk þar að kynnast meðferð og greiningu barna og ungmenna.

Ingibjorg Ragna Malmquist

Hún sinnir verkefnum tengdum: 
Forvörnum og heilsuráðgjöf, fræðslu og ráðgjöf við streituvanda og kulnun, ásamt stuðningi í ýmsu því sem upp kemur hjá einstaklingum í flókinni tilveru, s.s. samskiptavanda eða veikindum. Inga Dagný fræðir þar sem við á, um gildi hófsamrar hreyfingar, hollustu í mataræði og aðferðir sem byggja á núvitund.

Inga Dagný er með B.sc.gráðu í hjúkrunarfræði og einnig með diplómagráðu í menntunarfræðum. Hún hefur víðtæka reynslu á sviði hjúkrunar og kennslu. 

Hefur lokið  þjálfun sem leiðbeinandi í núvitund frá School of Positive transformation í Colorado.
Áhugasvið í meðferð: Núvitund og ACT (Acceptance and Committment
Therapy) eða Sáttar og Atferlismeðferð.

Inga Dagný Eydal

Fjölskyldufræðingur 

Elísabet hefur sérhæft sig í samskiptum foreldra og barna með áherslu á tengslamyndun. Hún tekur á móti fjölskyldum, pörum og einstaklingum.

Sinnir verkefnum tengdum:
Tengslavanda í fjölskyldum,
Samskiptavanda,
Geðheilbrigði foreldra á og eftir meðgöngu,
Meðvirkni,
Ofbeldi í fjölskyldum,
Trúnaðarbresti í parasamböndum,
Fræðslu og ráðgjöf.


Elísabet Ýrr Steinarsdóttir

Aron bíður eingöngu upp á fjarþjónustu. Aron Haukur útskrifaðist með BSc gráðu í sálfræði frá Háskólanum í Reykjavík árið 2020 og MSc gráðu í klínískri sálfræði árið 2022 frá sama skóla. Í námi öðlaðist Aron klíníska reynslu undir handleiðslu reyndra sálfræðinga á Heilsugæslu Höfuðborgarsvæðisins og hjá sálfræðiþjónustu Háskólans í Reykjavík. Samhliða námi vann Aron fjölbreytt störf og hefur reynslu af starfi með fjölbreyttum hóp einstaklinga á öllum aldri.

Aron Haukur Hauksson

Ljósmóðir og hjúkrunarfræðingur

Birgitta býður uppá ráðgjöf tengt barneignarferlinu, ófrjósemi, fósturmissi, andvana fæðingum, fæðingarupplifun og brjóstagjöf, fyrir mæður og maka.

Einnig ráðgjöf vegna kvíða fyrir fæðingu og umönnun nýbura.

Birgitta útskrifaðist með BS gráðu í hjúkrunarfræði frá Háskólanum á Akureyri 1998. Hún lauk námi með BS próf og Magister gráðu sem ljósmóðir, frá Háskólanum í Lundi í Svíþjóð árið 2008. Meistararannsókn Birgittu var um kvíða og ótta við fæðingar. Birgitta hefur starfað sem hjúkrunarfræðingur á öldrunarheimili, lyfjadeild og kvennadeild SAk um árabil. Einnig hefur hún starfað á fæðingardeild í Malmö í Svíþjóð. Frá 2008 hefur Birgitta starfað á fæðingardeild SAk og starfar þar enn og sinnir konum á meðgöngu, í fæðingum og sængurlegu.
Skjólstæðingum er vísað áfram á aðra fagaðila eftir þörfum.

Birgitta Níelsdóttir

Haukur veitir heilbrigðisráðgjöf og sálrænan stuðning hjá Heilsu og sálfræðiþjónustunni og vinnur með skjólstæðingum að sjálfeflingu í tengslum við króníska sjúkdóma, þ.m.t. langvinna verki. Haukur gefur einnig kost á stuðningi og ráðgjöf við aðstandendur langveikra einstaklinga. Krónískir sjúkdómar hafa umtalsverð áhrif bæði á sjúklinga og fjölskyldur þeirra og mikilvægt er að ávarpa bæði núverandi vandamál og ókomin vandamál til að stuðla að heilbrigðum samskiptum og vellíðan.
Haukur hefur starfað víða innan heilbrigðiskerfisins og kynnst ólíkum sviðum innan sálfræði og læknisfræði í starfi og námi á Íslandi, Kýpur og í Danmörku. Haukur er á fjórða ári í læknisfræði við Árósarháskóla en hann tók fyrstu þrjú árin við European University of Cyprus. Haukur er einnig með B.S. gráðu í sálfræði með líffræðilega mannfræði að aukagrein frá Háskóla Íslands. Hann mun ennfremur ljúka diplómu í hnattrænni heilsu frá Háskóla Íslands næstu jól. Haukur kom að því að stofna DM félag Íslands sem er fyrir sjúklinga með vöðva- og spennuvisnun (e. myotonic dystrophy) og aðstandendur þeirra. Hann var formaður félagsins um tíma.
Skjólstæðingum er vísað áfram á aðra fagaðila eftir þörfum, t.a.m. sálfræðinga og lækna. Vert er að undirstrika að í starfi sínu hjá Heilsu- og sálfræðiþjónustunni mun Haukur ekki skrifa lyfseðla, og eftir tilfellum mun Haukur vinna í samráði við aðra fagmenn stofunnar.

Heilsu- og sálfræðiþjónustan

The people

Ingibjorg Ragna Malmquist

Inga Dagný Eydal

Elísabet Ýrr Steinarsdóttir

Aron Haukur Hauksson

Birgitta Níelsdóttir

Haukur Svansson