Við getum hittst rafrænt eða í eigin persónu. Markþjálfun hentar þeim sem vilja vöxt og vellíðan. Ég sérhæfi mig í starfstengdri vinnu með fólki sem vill kynnast eigin möguleikum og styrk, setja sér markmið, ná jafnvægi vinnu og einkalífs og bæta eigið líf. Vinn einnig með fyrirtækjum að bættri fyrirtækjamenningu og teymismarkþjálfun.

Ráðgjöf við atvinnuleit eða önnur starfstengd ráðgjöf og stuðningur. Við getum hittst rafrænt eða í eigin persónu. - Aðstoð við gerð ferilskrár - Ráðgjöf við starfaleit og umsóknir - Undirbúningur fyrir atvinnuviðtal - Aðstoð og ráðgjöf við ýmis starfstengd mál (samskipti, starfsþróun og fleira)

Vantar þig sáttamiðlara eða viltu athuga hvort sáttamiðlun myndi henta í tiltekið mál? Pantaðu símtal og ég hringi í þig. Sáttamiðlun er aðferð til að leysa ágreining þar sem tveir eða fleiri aðilar taka sjálfviljugir þátt. Markmið sáttamiðlunar er að leita lausna sem deiluaðilar eru sáttir við og bera ábyrgð á. Hugmyndafræði sáttamiðlunar byggir á því að deiluaðilar eru sérfræðingar í sinni deilu og eru því best til þess fallnir að leysa vandann með hjálp hlutlauss sáttamiðlara. Sáttaferlið tekur almennt stuttan tíma í samanburði við mál sem rekin eru fyrir dómstólum. Þá er kostnaður að jafnaði mun minni og auðveldara er að leysa eða einfalda ágreining áður en deila magnast. Sáttatilraunir veita ríkara svigrúm til fjölbreyttari lausna. Sáttamiðlunarferlið er fljótvirkt, sveigjanlegt og hagkvæmt - Virðing - Trúnaður - Sambandið varðveitt - Fókus á aðila málsins