Bowen meðferð – mild og áhrifarík leið til jafnvægis Græðandi meðferð sem byggir á mildum hreyfingum yfir vöðva, sinar og bandvef líkamans. Meðferðin hjálpar þér að losa uppsafnaða spennu, bæði líkamlega og andlega, og styður við náttúrulegt jafnvægi hans. Í Bowen meðferð er beitt léttum þrýstingi til að örva bandvefinn og koma af stað sjálfsheilunarferli líkamans. Þetta ferli stuðlar að verkjalosun, dýpri slökun og aukinni orku. Meðferðin vinnur á einstaklega mjúkan hátt og hentar öllum. Auk Bowen er notast við höfuðbeina- og spjaldhryggjarmeðferð vinnur með miðtaugakerfið og flæði mænuvökvans. Hún stuðlar að betri taugaboðum, innri ró og jafnvægi í líkamanum. Skekkjur eða spennur í höfuðbeinum og spjaldhrygg geta truflað starfsemi taugakerfisins – meðferðin hjálpar til við að losa þær hindranir. Í meðferðinni er alltaf unnið með líkamann sem eina heild og hún hjálpar þér að losa uppsafnaða spennu, líkamlega sem andlega, og hentar vel við verkjum, stoðkerfisvanda, streitu, meltingaróþægindum, svefntruflunum og almennu ójafnvægi. Meðferðin er einstaklingsmiðuð, mjúk og hentar öllum, líka þeim sem eru í bataferli eða þurfa á djúpri slökun að halda.

Pranaheilun er forn nú-framtíðar heilun sem virkar strax á taugakerfið. Heilun sem býr til jafnvægi í núinu en vinnur jafnframt að því að gefa þér birgðir af orku fyrir framtíðina. Orkan ferðast frá höfðinu til taugamiðstöðva og safnast fyrir í þeim líffærum eða líkamshlutum sem eru í ójafnvægi. Hún meðhöndlar einnig dýpra ójafnvægi sem skjólstæðingurinn er oft ekki meðvitaður um. Þú getur komið í tíma með ásetning en alltaf kemur þú eins og þú ert! Pranaorkan fer þangað sem hennar er mest þörf og getur því jafnvel verið að vinna í dýpra ójafnvægi sem þú ert ekki meðvituð um. Prana vinnur inn í áruna. Allir sjúkdómar byrja í árunni og með pranaheilun getur þú komið i veg fyrir að það sem er byrji að myndast í henni fari í líkamann.

Tíminn byrjar á 30-40 mínútna bandvefslosun þar sem líkaminn slakar og við það fer í gang ferli í bandvef líkamans til að laga það sem í ólagi er og koma á eðlislegu jafnvægi. Þegar unnið er með bandvefinn á þennan hátt losnar um spennu og við það verður verkjalosun og endurnýjun á orku. Tíminn endar svo á 15 mínútna prana heilun þar sem opnað er fyrir orkukerfin, þú fyllist af orku og öll vinnan á undan er innsigluð. Bowen og prana vinnur mjög vel saman og þú endurnærist á líkama og sál.

Tíminn hefst á vinnu á bekk með Selfica verkfærum. Selfica er tækni sem tengir okkur við lífsorku náttúrunnar og visku alheimsins en hún byggir á frumformi alheimsins, spíralnum sem og geometríu. Með Selfica er lífsorka frá náttúrunni notuð til heilunar, jafnframt tengir selfica okkur við synchronisity (sem við köllum flæði á íslensku). Tímanum lýkur á pranaheilun.