Núvitund og hugræn atferlismeðferð eftir krabbameinsmeðferð er námskeið þar sem kennt er í 9 skipti tvo og hálfan tíma í senn og er byggt á enskri fyrirmynd (Mindfulness Based Cognitive Therapy for Cancer eftir Trish Bartley). Ef fullbókað er á námskeið eða viðburð sem þú hefur áhuga á getur þú óskað eftir að komast á biðlista með því að senda okkur tölvupóst á netfangið [email protected] eða hringt í síma 800 4040. Þetta er reynslumiðað námskeið, sem tengir saman aldagamlar austrænar hugleiðsluaðferðir, og nýja vísindalega þekkingu og rannsóknir í sálfræði og taugasálfræði. Hugleiðsla er stór hluti af námskeiðinu og námskeiðið nýtist best þeim sem eru tilbúnir til að hugleiða helst daglega heima á meðan á náminu stendur. Þetta er námskeið sem er fyrst og fremst hugsað fyrir þá sem hafa lokið virkri krabbameinsmeðferð og þeim sem þurfa á langtímameðferð vegna krabbameins að halda. Umsagnir: „Við fengum svo mikið af verkfærum sem ég mun klárlega nýta mér áfram. Munurinn á mér í byrjun og lok námskeiðsins var umtalsverður. Ég er svo miklu rólegri og yfirvegaðri, get tekist betur á við mótlæti og líður einhvernveginn bara betur með sjálfa mig og allt sem ég á og hef í kringum mig“. „Frábært námskeið sem kom mér á óvart og dásamlegir leiðbeinendur“. „Mjög andlega styrkjandi og hvetjandi námskeið“. Námskeiðið er 9 skipti dagana 9., 13., 16., 20., 23., 27. og 30. október og 3. og 6. nóvember, kl: 13:00-15:00 í húsnæði Krabbameinsfélagsins Skógarhlíð 8. Leiðbeinendur eru Margrét Arnljótsdóttir, sálfræðingur og sérfræðingur í klínískri sálfræði og Lóa Björk Ólafsdóttir, hjúkrunarfræðingur og Jóga Nidra kennari.