Hjartaheimar eru rými fyrir þig til að hægja á, anda og mæta þér eins og þú ert.

Hjá Guðlaugu í Hjartaheimum er boðið upp á jóga, öndunaræfingar, djúpslökun, Reiki-heilun og vatnsmeðferð í sundlaug. Hvort sem þú sækir hóptíma, námskeið eða einkatíma er áherslan á hlýja og persónulega nálgun, þar sem þú færð að hlusta á líkamann og fara á þínum hraða.

Þú þarft enga fyrri reynslu. Hér er rými til að leggja daglegar kröfur til hliðar, finna mýkt í hreyfingu og njóta þess að vera til staðar með sjálfri eða sjálfum þér.

Jóga og hópastarf fer fram í Bolholti 4, á 4. hæð.

Hjartaheimar · Mættu þér eins og þú ert.

Gefðu þér klukkustund til að staldra við, sleppa takinu á amstri dagsins og beina athyglinni inn á við.

Jóga Nidra er leidd djúpslökun á mörkum vöku og svefns. Líkaminn fær tækifæri til að hvílast á meðan við æfum okkur í að hlusta á hann, skynja það sem á sér stað innra með okkur og tengjast okkur sjálfum.

Í tímunum leiði ég þig í gegnum öndun, líkamsvitund og djúpa slökun. Hver tími er ólíkur, en markmiðið er alltaf það sama: að skapa rými fyrir kyrrð, hvíld og innri tengingu.

Þú þarft enga reynslu af jóga eða hugleiðslu. Hér þarftu engu að ná og ekkert að gera „rétt“. Þú kemur einfaldlega eins og þú ert. 🌱

✨ Hagnýtar upplýsingar:
⏳ Lengd: 60 mínútur
📍 Staðsetning: Bolholt 4, 4. hæð

🧦 Komdu í þægilegum fötum og taktu gjarnan með þér hlýja sokka og peysu.

Hlakka til að taka á móti þér og skapa rými þar sem þú mátt einfaldlega vera. 🤍