Ég hef starfað sem meðferðaraðili í 15 ár og sérhæfi mig í að styðja konur á aldrinum 35–50 ára við að losa um spennu í líkamanum, skilja og vinna með tilfinningar sínar og vinna úr erfiðri lífsreynslu og áföllum.

Innri endurmótun er einstaklingsmeðferð sem byggir á samþættri nálgun þar sem hugræn endurmótun, nudd, dáleiðslumeðferð og sómatísk meðferð fléttast saman.

Með þessari nálgun skapast rými til að kanna ómeðvituð mynstur, vinna með tilfinningar og líkamsminni, endurnýja tengslin við sjálfa þig og styrkja innri ró og jafnvægi.

Hver tími er einstakur og tekur mið af þér og því sem þú þarft á að halda hverju sinni. Við getum meðal annars unnið með tilfinningaleg sár, hamlandi hugsanamynstur, sorg, innra barnið og taugakerfið, eða skapað rými fyrir andlegar spurningar sem kalla á athygli.

Hver tími einkennist af nærveru, hlýju, trúnaði og djúpri virðingu fyrir þinni persónulegu vegferð.

Без категории