Stefanía hefur starfað hjá Tannlæknaþjónustunni frá árinu 2020, fyrst sem aðstoðarmaður tannlæknis, síðar sem tannlæknanemi og nú sem tannlæknir. Hún sinnir öllum almennum tannlækningum og tekur vel á móti viðskiptavinum á öllum aldri. Hún leggur mikið uppúr því að viðskiptavinir fái jákvæða upplifun af tannlæknaheimsóknum og hefur sérstakt lag á þvi að sinna börnum. Stefanía bjó í Lúxemburg í 3 ár og talar því bæði þýsku og frönsku.  Hún stundar virka endurmenntun í tannlækningum og hefur sérstakan áhuga á tannréttingum.

Stefanía Þ. Hauksdóttir

Héðinn hefur rekið eigin tannlæknastofu á Höfn í Hornafirði frá útskrift þar sem hann starfaði til ársins 2026.  Þar byggði hann upp góða, örugga og faglega þjónustu fyrir samfélagið.  Hann hefur starfað hjá Tannlæknaþjónustunni í Reykjavík með hléum frá 2017.  Héðinn hefur mjög víðtæka reynslu af öllum almennum tannlækningum og tekur á móti öllum aldurshópum.  Héðinn stundar virka endurmenntun í tannlækningum.

Héðinn Sigurðsson

Vandinn með tennur og munnheilsu er að oft finnum við ekki fyrir skaða eða sjúkdóm fyrr en hann er orðinn það stór eða alvarlegur að erfitt getur reynst að laga hann eða meðhöndla á einfaldan hátt. Þess vegna er mikilvægt að láta skoða tennur og munn vandlega til að meta stöðuna og fyrirbyggja frekari skaða. Við bjóðum upp á ástandsskoðun fyrir fullorðna sem hafa ekki verið í reglulegu eftirliti hjá tannlækni í lengri tima.

Ástandsskoðun

Reglulegt eftirlit hjá tannlækni er mikilvægt til að tryggja heilbrigði tanna og tannholds. Við skoðum munninn vandlega, hreinsum tennur, og tökum stundum röntgenmyndir til að finna snemma merki um vandamál. Með reglulegu eftirliti getum við komið í veg fyrir tannskemmdir og fylgst með heilsu munnholsins, auk þess sem við gefum þér persónuleg ráð til að halda tönnunum heilbrigðum.

Reglulegt eftirlit

Við leggjum mikla áherslu á að skapa jákvæða og örugga reynslu fyrir börn hjá tannlækninum. Fyrstu heimsóknir snúast um að venja barnið við umhverfið og byggja upp traust, þannig að heimsóknin verði ánægjuleg og án kvíða. Börn þurfa reglulegt eftirlit og við fylgjumst með tannheilsu þeirra á öllum aldri með persónulegri nálgun og faglegri umönnun.