Síðumúli 29,1.hæð gengið hægramegin við húsið, glerhurð inngangur Miðlunar að handan á ská á móti útihurð.

Ester miðlar að handan, ættingjaorku, miðlar leiðbeiningum, heilar og spáir fyrir framtíð.  Les m.a. árur fólks í gegnum kristalkúlu og svarar spurningum í gegnum tarotlestur. 

Ester Sveinbjarnardóttir

Karitas Sigurlaugsdóttir (Kaja)


Sif les í engla- og kristal tarotspil og býður uppá heilun.
Sif hefur verið frá fæðingu mjög næm og alltaf haft áhuga á andlegum málum. Hún var í skóla hjá Erlu Stefánsdóttir miðli í eitt ár einnig í Rósakrossreglunni. Sif er lærður svæðanuddari, bowentæknir, reikimeistari og englareikiheilari.



Sif Svavarsdóttir

Anna Kristín Axelsdòttir

Katrín A. Sandholt er menntaður aðhvarfsmeðferðarfræðingur (regression therapist). Hún er einnig Reiki Meistari og hefur verið þekkt fyrir að grípa í Tarot annað slagið.
Hún lærði í Svíþjóð árið 2005 og flutti til Íslands árið 2006. Hún hefur komið fram í mörgum viðtölum vegna dáleiðslunnar og unnið með hana til þess að aðstoða fólk sem og leyfa fólki að forvitnast um fyrri líf.
Lífin sem við höfum lifað eru margslungin og hafa öll sinn þátt í að gera okkur að betri og betri veru. Við eigum bæði stutt og löng líf,auðveld, erfið, hamingjusöm og óhamingjusöm. Allt er þetta hluti af ferli okkar í að læra og þroskast sem sálir.
Stundum hafa atvik úr fyrri lífum hemlandi áhrif á okkar núverandi líf og skapa því einskonar hraðahindranir á leið okkar að því sem okkur var ætlað. Með aðhvarfsmeðferð má komast að þessum minningum og vinna þannig með afleiðingar þeirra.
Einnig getur oft verið gaman að skoða fyrri líf til þess að sjá hegðunarmynstur, hvaða fólk sem fylgir okkur líf eftir líf og hvar við höfum verið áður.

Hver tími er 1.5-2 klst langur, líkja má dáleiðslu við leidda hugleiðslu þar sem við notumst við djúpa slökun til þess að skyggnast inn í fyrri líf.
Hver tími er tekinn upp og fær einstaklingurinn sendan hlekk að hljóðskrá að tíma loknum.

Katrín A Sandholt


Sigríður Jörundsdóttir – Siddý
Lestur í spil – Heilun – Þróunarhópar – Hugleiðsluhópar
Siddý hefur verið næm frá barnsaldri.  Hún spáði í spil fyrir vinnufélaga, vini og vandamenn frá unglingsaldri og var þá með venjuleg spil.  Áhuginn á öðrum tegundum spila kom seinna.
Siddý hefur sótt ýmis námskeið í andlegum málum. Hún tók Reiki I námskeið hér heima og sat þróunarhópa. Einnig tók hún heilunarnámskeið hjá Arthur Findlay Spiritual College, Stansted, Englandi.  
Siddý hefur lesið í spil í mörg ár, unnið sem heilari og verið leiðbeinandi með marga þróunarhópa og hugleiðsluhópa s.l. 20 ár. Einnig hefur hún verið í bænahóp og er með bænabók.
Undanfarin ár hafa spil átt stóran þátt í andlegri vinnu Siddýjar ásamt heilun. Notar hún margskonar spil samtímis, en samt ekki Tarot spil. Kallar hún þetta að „lesa í spilin“.
Siddý býður uppá einkatíma í lestri í spil og-/eða heilun. Einnig býður hún uppá þróunarhópa eða hugleiðsluhópa með haustinu.


Siddý

Sverrir er fæddur og alin upp í Reykjavík, hann hefur verið næmur frá yngri árum án þess að vinna með það en hefur lagt af stað með að bjóða heilun hjá Miðlun að Handan og býður einnig upp á fjarheilun. Sverrir hefur notið leiðsagnar Guðbjargar Sveinsdóttir, Berglindar Hilmarsdóttir og Páls Erlendssonar ásamt hópavinnu hjá Miðlun að Handan.

Sverrir Kristjánsson

Sigrún Gunnars

Rósa Dagbjört er hjúkrunarfræðingur að mennt með viðbótardiplómu í geðhjúkrunarfræði. Hún hefur lengi verið viðloðandi heilun og andleg málefn og var á tímabili í stjórn Sálarrannsóknarfélags Íslands. 
Rósa var mörg ár í þróunarhóp hjá Friðbjörgu Óskarsdóttur í Kærleikssetrinu en tók einnig ýmis námskeið, þar á meðal Barbara Brennan heilunarnámskeið sem Karina Becker stóð fyrir og staðsett var í Kærleikssetrinu. Hún lærði fyrrilífsdáleiðslunám hjá Vigdísi Steinþórsdóttur. Hún reiki hjá Heilunarskóla Sigrúnar Gunnarsdóttur og er búin með annað stig.
Dáleiðsla líkist í mörgu hugleiðslu. Hún hægir á meðvitundinni svo hægt sé að nálgast undirmeðvitundina og vinna með hana til þess að hjálpa þeim dáleidda og því sem er að hrjá hann. Dáleiðandinn leiðir einungis dáleiðsluna og heldur þeim dáleidda við efnið þannig að sem bestur árangur náist. Í raun og veru dáleiðir viðkomandi sjálfan sig og mun ekki gera neitt sem brýtur í bága við eðli hans. Hann mun muna allt sem kemur fram í dáleiðslunni og vera meðvitaður um hvað er um að vera.
Fyrir dáleiðslutímana væri gott ef viðkomandi væri búinn að ákveða hvað hann vill vinna með eins og tilfinningar, samskipti, líkamleg einkenni eða það sem að gæti gagnast best í nánustu framtíð.


Miðlun að handan

The people